قصص طريفة باللهجة الليبية ...

فيہ ﻭﺣﺪﻩ ﺭﺍﺟﻠﻬﺎ ﺩﻳﻤﺎ ﻳﺪﻋﻲ ﻋﻠﻴﻬﺎ

ﻭﻳﻮﻡ ﻣﻦ ﺍﻻﻳﺎﻡ ﻛﺎﻧﺖ ﺗﻨﻮﺽ ﻓﻲ ﺯﻭﺟﻬﺎ ﻟﺼﻼﺓ ﺍﻟﻔﺠﺮ ﺑﺼﻮﺕ ﻋﺎﻟﻲ ﻻﻥ
ﺭﺍﺟﻠﻬﺎ ﻧﻮﻣﻪ ﺛﻘﻴﻞ

ﺍﻟﻤﻬﻢ ﺍﻟﺮﺍﺟﻞ ﻋَﺼّﺐ ﻧﺎﺽ ﻭﻫﻮ ﻭﻗﺎﻟﻬﺎ ﻧﺪﻋﻲ ﻋﻠﻴﻚ ﺑﻴﻦ ﺍﻻﺫﺍﻥ
ﻭﺍﻻﻗﺎﻣﻪ ﻳﺎﺭﺏ ﻳﺠﻌﻠﻚ ﻃﺮﺷﻪ ﻭﻣﺎﻋﺎﺵ ﻧﺴﻤﻊ ﺻﻮﺗﻚ ﺑﺤﻴﺎﺗﻲ ..
(( ﻫﻲ ﻣﻦ ﺍﻟﻨﻮﻉ ﺍﻟﻲ ﺑﺎﻟﻬﺎ ﻃﻮﻳﻴﻴﻞ ))

ﺭﺟﻊ ﺭﺍﺟﻠﻬﺎ ﻣﻦ ﺍﻟﺼﻼﻩ ﻭﻳﻨﺎﺩﻱ ﻋﻠﻴﻬﺎ ﻳﺎ ﻓﻼﻧﻪ ﻳﺎﻓﻼﻧﻪ

ﻧﻮﺿﻲ ﺩﻳﺮﻱ ﻓﻄﻮﺭ ﻭﻫﻲ ﺳﺎﻛﺘﻪ ﻫﻮ ﺍﺳﺘﻐﺮﺏ ﻻﻧﻬﺎ ﺩﻳﻤﺎ ﺗﺮﺩ ﻋﻠﻴﻪ
ﺑﺴﺮﻋﻪ!

ﺟﻲ ﻗﺪﺍﻡ ﻭﺩﻧﻬﺎ ﻭﻧﺎﺩﺍﻫﺎ ﻣﺎﺑﺘﺶ ﺗﺮﺩ ﺑﺪﻱ ﻳﺤﺮﻙ ﻓﻲ ﻛﺘﻔﻬﺎ ﻭﻳﻘﻮﻝ

ﻳﺎﻣﻨﺠﻮﻫﻪ ﻳﺎﻣﻄﺮﺷﻘﻪ ﻳﺎﺷﻮﻣﻪ ﺍﻟﺸﻮﻣﺎﺕ ﺭﺩﻱ ﻧﺎﺿﺖ ﺷﺒﺤﺘﻠﻪ ﻭﺳﺎﻛﺘﻪ

ﻗﺎﻟﻬﺎ ﻧﻜﻠﻢ ﻓﻴﻚ !

ﺣﺮﻛﺖ ﻳﺪﻳﻬﺎ ﺗﻔﻬﻢ ﻓﻴﻪ ﺍﻧﻬﺎ ﻣﺎﺗﻘﺪﺭﺵ ﺗﺘﻜﻠﻢ ﻗﺎﻟﻬﺎ ﺷﻦ ﺗﻘﻮﻟﻲ ﻭﺗﺄﺷﺮ

ﺑﻜﺘﻔﻬﺎ ﺗﻘﻮﻝ ﻣﺎﻧﻌﺮﻓﺶ

ﻫﻮ ﺍﻧﺼﺪﻡ ﻭﻗﻌﻤﺰ ﻳﺴﺘﻐﻔﺮ ﻭﻭﺟﻬﻪ ﻣﻘﻠﻮﺏ ﻭﻫﻲ ﺳﺎﻛﺘﻪ !

ﻭﻣﺸﻲ ﻟﻠﺸﻐﻞ ﻭﻛﻞ ﺷﻮﻱ ﻳﺘﺼﻞ ﺑﻴﻬﺎ ﻭﺗﻔﺘﺢ ﺍﻟﺨﻂ ﻭﻫﻲ ﺳﺎﻛﺘﻪ ﺍﻟﺮﺍﺟﻞ
ﺧﺶ ﻋﻘﻠﻪ ﻭﻃﻠﻊﻭﻧﺪﻡ

ﺭﻭﺡ ﻟﻠﺤﻮﺵ ﻭﻗﻌﻤﺰ ﻳﺤﺎﻭﻝ ﻣﻌﺎﻫﺎ ﺗﻨﻄﻖ ﻭﻟﻜﻦ ﻣﺎﻗﺪﺭﺗﺶ ﺗﺘﻜﻠﻢ

ﺭﻓﻌﻬﺎ ﺍﻟﻤﺴﺘﺸﻔﻲ ﻭﺩﺍﺭ ﻓﺤﻮﺻﺎﺕ ﻓﻲ ﻗﺴﻢ ﺍﻟﻨﺴﺎﺀ ﻭﻃﻠﻌﺖ ﻭﻣﻌﺎﻫﺎ ﻭﺭﻗﻪ

ﻭﻗﻠﻢ ﻭﻟﻤﻦ ﺳﺎﻟﻬﺎ ﺯﻭﺟﻬﺎ ﻛﺘﺒﺖ ﺗﻘﻮﻝ ﺍﻟﺪﻛﺘﻮﺭﻩ ﺍﻧﺘﻲ ﻃﺒﻴﻌﻴﻪ 100%

ﻭﻟﻜﻦ ﺍﻟﺴﺒﺐ ﻣﻮ ﻭﺍﺿﺢ !

ﻗﺎﻟﻬﺎ ﻫﻴﺎ ﻧﻤﺸﻮ ﻟﺸﻴﺦ ﻳﻘﺮﺍ ﻋﻠﻴﻚ ﻣﺮﺍﺕ ﻳﻔﺮﺟﻬﺎ ﺭﺑﻲ ! ﺭﻓﻌﻬﺎ ﻟﻠﺸﻴﺦ ﻭﻟﻤﺎ

ﻗﺮﺍ ﻋﻠﻴﻬﺎ ﻛﺎﻧﺖ ﻃﺒﻴﻌﻴﻪ 100% ﻣﺎﺗﺎﺛﺮﺕ ﻭﻻ ﺷﻲ !

ﻗﺎﻟﻬﻢ ﺍﻟﺸﻴﺦ ﻣﺮﺿﻬﺎ ﻳﺒﻲ ﺩﻛﺘﻮﺭ ﻳﻤﻜﻦ ﺍ ﻳﻨﻔﻌﻬﺎ !

ﺍﻟﺮﺍﺟﻞ ﺣﺲ ﺑﺎﻟﺬﻧﺐ ﻭﻋﺮﻑ ﺍﻥ ﺍﻟﻠﻲ ﺻﺎﺭ ﺑﺴﺒﺐ ﺩﻋﻮﺗﻪ ﺑﺲ ﻣﺎﺑﺎﺵ ﻳﻘﻮﻟﻬﺎ
ﺷﻲ !

ﺭﻭﺣﻮ ﻟﻠﺤﻮﺵ ﻭ ﻛﺘﺒﺘﻠﻪ ﺑﻮﺭﻗﻪ

( ﻫﺬﺍ ﺟﺰﺍﻱ ﺍﻧﻲ ﺣﺮﻳﺼﻪ ﻋﻠﻴﻚ ﻣﻦ ﺍﻟﺬﻧﺐ ﺗﺪﻋﻲ ﻋﻠﻴﺎ ﺑﻬﺬﻱ ﺍﻟﺪﻋﻮﻩ ﻟﻜﻦ

( ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ) ﺍﻥ ﺷﺎﻟﻠﻪ ﺗﻨﻄﺮﺵ ٍﺣﺘﻲ ﺍﻧﺖ ﻣﻌﺎﻱ

ﺍﻟﺮﺍﺟﻞ ﺧﺶ ﻋﻘﻠﻪ ﻭﻃﻠﻊ ﻭ ﺗﺤﺴﻒ ﻭﺍﻋﺘﺬﺭ !

ﻭﺗﺎﻧﻲ ﻳﻮﻡ ﻣﺸﻲ ﺷﺮﺍﻟﻬﺎ ﻫﺪﻳﻪ ﺧﺎﺗﻢ ﺫﻫﺐ

ﻭﺍﻟﻴﻮﻡ ﺍﻟﺘﺎﻟﺖ ﺟﺎﺑﻠﻬﺎ ﻭﺭﺩ ﻭﺗﻮﺭﻃﻪ ﻭﺍﺣﺘﻔﻞ ﻣﻌﺎﻫﺎ ﻭﻳﻌﺘﺬﺭ ﻣﻨﻬﺎ،ﻭﻫﻲ

ﻛﺘﺒﺘﻠﻪ ﻓﻲ ﻭﺭﻗﻪ ﺍﻧﺎ ﻣﺎﻋﺎﺵ ﻧﻘﺪﺭ ﺍﻧﻮﺿﻚ ﻟﻠﺼﻼﻩ ﻻﻧﻚ ﻣﺎﺗﻘﺪﺭﺵ ﺗﺴﻤﻌﻨﻲ

ﻛﻴﻒ ﺑﻨﺪﻳﺮ ﻣﻌﺎﻙ ؟

ﻗﺎﻟﻬﺎ ﻋﺎﺩﻱ ﻫﺰﻳﻨﻲ ﻣﻦ ﻛﺘﻔﻲ ﻧﻮﺽ

ﻫﻬﻬﻬﻪ ﻣﻬﻢ المرأة ﺑﺪﺕ ﺗﻨﻮﺽ ﻓﻴﻪ ﻭﺗﺼﺐ ﻋﻠﻴﻪ ﻓﻲ ﻣﻴﻪ ﻭﻫﻮ ﻳﻨﻮﺽ

ﻣﻔﺠﻮﻉ ﻭﻣﺎﻳﻘﺪﺭﺵ ﻳﺘﻜﻠﻢ ﻻﻧﻪ ﻣﺎﻳﺒﻴﺶ ﻳﺰﻋﻠﻬﺎ !

ﻭﻣﺮ ﺍﺳﺒﻮﻉ ﻭﺍﻟﻮﺿﻊ ﺯﻱ ﻣﺎﻫﻮﺍ ﻭﺍﻟﺮﺍﺟﻞ ﻳﺪﻭﺭ ﻓﻲ ﻛﺴﺒﺮﻩ ﻭﻣﻌﺎﺵ ﻳﻤﺸﻲ

ﻟﻠﺸﻐﻞ ﻭﻳﻔﻜﺮ ﻓﻲ ﻋﻼﺝ ﻟﺰﻭﺟﺘﻪ ﻭﺑﺪﻱ ﻳﻘﺮﺍ ﻋﻠﻴﻬﺎ ﻭﻳﺠﻴﺒﻠﻬﺎ ﻓﻲ ﻣﻴﻪ رقية

ﻭﻭﺻﻰ ﻋﻠﻰ ﻣﻴﺔ ﺯﻣﺰﻡ

ﻭﻳﺘﻔﺎﻫﻤﻮ ﻣﻊ ﺑﻌﺾ ﻋﻦ ﻃﺮﻳﻖ ﺍﻻﻭﺭﺍﻕ ﻭﺍﻟﻜﺘﺎﺑﻪ ﻭﺍﻟﺮﺍﺟﻞ ﺑﺪﻱ ﻣﺴﺘﻘﻴﻢ

ﻣﻌﺎﻫﺎ ﻳﺴﺎﻳﺮ ﻓﻴﻬﺎ ﻛﻴﻒ ﻣﺎﺗﺒﻲ ﻫﻴﺎ ﻭﻣﺮﺍﺗﻪ

ﺗﻜﺘﺒﻠﻪ ﻓﻲ ﻭﺭﻕ ﻛﻞ ﺻﺒﺢ ﻛﻼﻡ ﻳﻘﻄﻊ ﻗﻠﺒﻪ

ﺍﻟﻤﻬﻢ ﺑﻌﺪ ﺍﺳﺒﻮﻋﻴﻦ ﺑﺪﺕ ﺗﺘﻜﻠﻢ ﻭﺳﺠﺪﺕ ﺳﺠﻮﺩ ﺷﻜﺮ

بس ﻫﻲ ﻛﺎﻧﺖ ﺗﻤﺜﻞ ﻋﻠﻴﻪ ﺑﺲ ﻣﺎﻗﺎﻟﺘﻼﺵ ههههههه

ﻭﻫﻮ ﺑﻌﺪ ﺷﺎﻓﻬﺎ ﺭﺟﻌﺖ ﺯﻱ ﻣﺎﻫﻴﺎ ﻫﻬﻬﻬﻬﻬﻬﻬﻬﻬﻬﻪ

ﻣﻬﻢ ﺗﻮﺍ ﺍﻟﺮﺍﺟﻞ ﺷﻦ ﺗﺒﻲ ﻳﺎ ﻋﻴﻮﻧﻲ ﻭﻳﺎﻗﻠﺒﻲ ﻭﻳﺎﺣﺒﻲ

ﻗﻌﺪﺕ ﺻﺎﺑﺮﻩ ﺍﺳﺒﻮﻋﻴﻦ ﻗﺮﻳﺐ ﺗﺘﻔﺠﺮ ﻭﻣﺮﺍﺭﺍﺗﻬﺎ ﻓﺎﺿﺖ ﻫﻬﻬﻬﻬﻬﻬﻪ ﻭﻓﻲ
ﺍﻻﺧﻴﺮ ﺧﻠﺖ ﺍﻟﺮﺍﺟﻞ ﻣﺴﺘﻘﻴﻢ

(( ﺻﺤﻴﺢ ﺍﻥ ﺍﻥ ﻛﻴﺪﻫﻦ ﻋﻈﻴﻢ ))